ఆంధ్ర ప్రదేశ్ ముఖ్యమంత్రి సీఎం జగన్ పై తీవ్ర స్థాయిలో విరుచుకుపడ్డారు టీడీపీ అధినేత, మాజీ సీఎం నారా చంద్రబాబు నాయుడు. దిల్లీ పర్యటనలో భాగంగా ఇవాళ ఆయన జాతీయ మీడియాతో మాట్లాడారు. ఆంధ్రప్రదేశ్కు ఉన్న అతిపెద్ద సమస్య జగనే.. జగన్ పోతేనే రాష్ట్రం బాగు పడుతుంది అని చంద్రబాబు నాయుడు అన్నారు. కేవలం ప్రత్యేక హోదా అంశంపైనే కేంద్రంతో విభేదించాను తప్పా.. మిగతా ఏ విషయాల్లోనూ భేదాభిప్రాయాలు లేవన్నారు. విభజన గాయాల కంటే దారుణంగా రాష్ట్రాన్ని జగన్ నాశనం చేశాడని మండిపడ్డారు. ఈ విషయాన్ని ఇప్పటికే చాలాసార్లు చెప్పానని చంద్రబాబు గుర్తు చేశారు. టీడీపీ ఎప్పుడూ జాతీయ భావంతో ఉండే పార్టీ అని, జాతీయ రాజకీయాల్లో ప్రత్యేక అనుబంధం ఉందని తెలిపారు. ‘రాజకీయాల్లో జగన్ అనుభవం ఎంత..? బచ్చా’ అని తీవ్రస్థాయిలో ధ్వజమెత్తారు.
మేం గేట్లు ఓపెన్ చేస్తే వైసీపీ విలీనమైపోతుందని, వైసీపీ కాస్తా.. టీడీపీగా మారుతుందని చంద్రబాబు అన్నారు. టీడీపీ అధినేత చంద్రబాబు నాయుడు దిల్లీ పర్యటనలో భాగంగా ఇవాళ జాతీయ మీడియాతో మాట్లాడారు. విభజన గాయాలకంటే.. జగన్ పాలనలో రాష్ట్రం దివాలా తీసిందన్నారు. సోమవారం దివంగత ముఖ్యమంత్రి ఎన్టీఆర్ స్మారకార్థం వంద రూపాయల వెండి నాణేన్ని రాష్ట్రపతి ద్రౌపది ముర్మూ విడుదల చేసింది. ఈ కార్యక్రమానికి ఎన్టీఆర్ కుటుంబ సభ్యులతో పాటు చంద్రబాబు నాయుడు హాజరయ్యారు. అనంతరం రాష్ట్రంలో ఓట్ల గల్లంతు, ఓటర్ జాబితాల్లో అక్రమాలపై ఆధారాలతో సహా ఈసీకి ఫిర్యాదు చేశారు.
