కేరళ ప్రజలకు తమిళనాడు ముఖ్యమంత్రి స్టాలిన్ తన ట్విట్టర్ ద్వారా మలయాళంలో ఓనం శుభాకాంక్షలు తెలిపారు. అందులో డీఎంకే చీఫ్.. అందరినీ ఒకేలా చూసే కేంద్ర ప్రభుత్వం ఏర్పాటు కోసం కేరళ, తమిళనాడు రెండూ కలిసి నిలబడాలని కోరారు. పురాణ రాక్షస రాజు మహాబలి హయాంలో మాదిరిగానే దేశంలోనూ ఐక్యత, సమానత్వం నెలకొనాలని ఆకాంక్షించారు.
“అందరినీ సమానంగా చూడగలిగే పరస్పర ప్రేమ, సామరస్యం కలిగిన జానపదంగా మారండి” అని స్టాలిన్ కేరళీయులకు పువ్వులు, విందులు, సంతోషాలతో నిండిన ఓనం శుభాకాంక్షలు తెలిపారు. దక్షిణాది రాష్ట్రాలు, బీజేపీ నేతృత్వంలోని కేంద్ర ప్రభుత్వం మధ్య వివిధ అంశాలపై వాగ్వాదం కొనసాగుతున్న నేపథ్యంలో స్టాలిన్ రాజకీయ వ్యాఖ్యలతో పండుగ శుభాకాంక్షలు తెలిపారు. మరోవైపు కాంగ్రెస్, లెఫ్ట్ పార్టీలు, డిఎంకె ఇతర పార్టీలతో కూడిన భారత కూటమి ఏర్పడిన విషయం తెలిసిందే. 2024 లోక్‌సభ ఎన్నికలకు ముందు కేంద్రంలో అధికార బీజేపీకి విపక్షాల కూటమి సవాలుగా నిలిచింది.
కేరళ రాష్ట్రంలో అతిపెద్ద పండుగ ఓనం. ఈ పండుగ మలయాళీలకు అత్యంత ప్రీతిపాత్రమైనది. మనకు సంక్రాంతి పండుగ ఎలానో మలయాళీలకు ఓనం అలా అన్నమాట. ఆగస్టు-సెప్టెంబర్‌ నెలలో వచ్చే ఈ పండుగను పది రోజుల పాటు అత్యంత వైభవంగా జరుపుకుంటుంటారు. కేరళ సంస్కృతి సంప్రదాయాలకు, సొంత గ్రామాలపై మమకారానికి, వ్యవసాయనికి ముడిపడిన పండుగే ఓనం. ఒక్కమాటలో చెప్పాలంటే ఇది కేరళలోని వ్యవసాయ పండుగ.
ఓనం అనేది మహాబలి యొక్క పునరాగమనానికి సంబంధించిన పండుగ. అతని పాలనలో అందరూ ఆనందంగా జీవించారని అక్కడి పురాణాలు చెబుతాయి. అతని జనాదరణకు అసూయపడే దేవతలు ఆ రాజును పాతాళంలోకి వెళ్లగొట్టడానికి విష్ణువు సహాయం కోరాడు. అయితే పాతలంలోకి వెళ్లేముందు విష్ణువు నుండి ఓ వరం పొందుతాడు. ప్రతి సంవత్సరం తిరువోణం నాడు తన ప్రజలను సందర్శించడానికి వరం పొందుతాడు. దానినే కేరళ ప్రజలు ఓనం పండుగగా జరుపుకుంటారు. కేరళలో కుల, మత, మతాలకు అతీతంగా ప్రజలు ఈ పండుగను జరుపుకుంటారు.
