బంగాళాదుంప. కొంతమందికి ఫేవరేట్ కూరగాయ. చిప్స్, ఫ్రై, కూర ఇలా ఎన్నో రకాలుగా బంగాళాదుంపని ట్రై చేస్తుంటారు. అయితే, దీనిని తిసే విషయంలో కొన్ని అపోహలు ఉన్నాయి. అందులో బంగాళాదుంప తింటే బరువు పెరగడం. మరి దీని గురించి నిపుణులు ఏమంటున్నారో తెలుసుకోండి. ప్రకృతిలో లభించే ప్రతి కూరగాయల్లో ఒక్కో ప్రత్యేకత ఉంది. ఈ నేపథ్యంలోనే బంగాళాదుంప కూడా. అయితే, మనం దీనిని తీసుకునే విధానంపై ఆధారపడి ఉంటుంది. సాధారణ కూరగాయలకంటే ఇది ఎక్కువగా రుచిగా ఉండడంతో ఎక్కువగా లాగించేస్తాం. అప్పుడు వెయిట్‌పై ఎఫెక్ట్ చూపిస్తుంది కానీ, దీనిలో పోషకాలు పుష్కలంగా ఉంటాయి. మనం దీనిని మోతాదులో తీసుకుంటే బరువు కంట్రోల్‌లోనే ఉంటుందని పోషకాహార నిపుణులు ఆకాన్షా చెబుతున్నారు. వీటితో పాటు బంగాళాదుంపని తింటే కొన్ని లాభాలు ఉన్నాయి. అవేంటో తెలుసుకోండి.
మనకి ఇమ్యూనిటీ అనేది చాలా ముఖ్యం. దీని వల్ల చాలా సమస్యల్ని దూరం చేసుకోవచ్చు. బంగాళాదుంపల్లో విటమిన్ సి ఎక్కువగా ఉండడం వల్ల ఇమ్యూనిటీని పెంచుతాయి. బంగాళాదుంపలో ఎక్కువగా కార్బోహైడ్రేట్స్ ఉంటాయి. ఇవి తక్షణ శక్తిని అందిస్తాయి. ఆకలిని కంట్రోల్ చేస్తాయి. అన్ హెల్దీ ఫుడ్స్‌ని తినకుండా చేస్తాయి. బంగాళాదుంపల్లోని కార్బోహైడ్రేట్స్ సహజరూపంలో ఉండడం వల్ల చాలా హెల్దీ. ఇందులో కొవ్వు, కేలరీల శాతం తక్కువగానే ఉంటాయి. నిపుణుల ప్రకారం 100 గ్రాముల బంగాళాదుంపల్లో 77 కేలరీలు 2 గ్రాముల ఫైబర్ 2 గ్రాముల ప్రోటీన్ ఉంటుంది. ఇది ఆకలిని కంట్రోల్ చేసి బరువుని మెంటెయిన్ చేస్తుంది.
బంగాళాదుంపల్లో ఫైబర్ ఎక్కువగా ఉంటుంది. ఇది తక్కువగా తిన్నా కడుపు నిండిన ఫీలింగ్ ఉంటుంది. దీంతో తక్కువగా తింటాం. షుగర్ ఉన్నవారికి ఇది చాలా మంచిది. ఇందులోని ఫైబర్ జీర్ణశక్తిని పెంచుతుంది. హైబీపిని కంట్రోల్ చేయడంలో పొటాషియం ముందుంటుంది. బంగాళాదుంపలల్లో విటమిన్స్, ఖనిజాలు ఎక్కువగా ఉంటాయి. అందుకే, దీనిని తిన్న వెంటనే రక్తంలో చక్కెర స్థాయిలు పెరగవు. ముందుగా చెప్పుకున్నట్లు బంగాళాదుంప మంచిదే అయినప్పటికీ ఎక్కువ మొత్తంలో తినకూడదు. అదే విధంగా దీనిని ఉడకబెట్టి కూరలా వండి తినొచ్చు. కానీ, ఫ్రైస్, చిప్స్, ఫ్రెంచ్ ఫ్రైస్‌లా అస్సలు మంచిది కాదు. ఎప్పుడైనా ఓసారి అంటే పర్లేదు. కాబట్టి, బంగాళాదుంపల్ని తినేటప్పుడు వీటిని గుర్తుపెట్టుకోండి.
