తెలుగులో దుమ్మురేపుతోన్న ఓటీటీ ఫ్లాట్‌ఫాం ఆహా. ఇప్పటికే.. కొత్త కొత్త సినిమాలు, సరికొత్త కార్యక్రమాలు, రియాల్టీషోలతో ఓహో అనిపిస్తోన్న ఆహా.. ఇప్పుడు మరో ఎగ్జైటింగ్ రియాల్టిషోను తీసుకొస్తోంది. సౌత్ ఇండియాలోనే అతి పెద్ద బిజినెస్ రియాల్టీ షోగా.. అది కూడా కేవలం మహిళాలతోనే తీసుకొస్తోంది. “నేను సూపర్ వుమెన్”.. అనే పేరుతో ఎంతో ప్రతిష్ఠాత్మకంగా ఈ షోను ప్రేక్షకుల కోసం తీసుకొస్తున్నారు. ఈ షో.. జూలై 21 నుంచి ప్రతి శుక్ర, శ‌నివారాల్లో స్ట్రీమింగ్ కానుంది. మహిళా సాధికారతను ప్రోత్సహిస్తూ, పారిశ్రమిక రంగంవైపు వస్తున్న మహిళల్లో స్ఫూర్తి నింపేందుకు ఈ కార్యక్రమాన్ని తీసుకొస్తున్నట్టు యాజమాన్యం చెప్తోంది. కాగా.. ఈ కార్యక్రమంలో తెలంగాణ ప్రభుత్వం ప్రతిష్ఠాత్మకంగా ప్రారంభించిన వీహబ్‌ కూడా భాగస్వామ్యం కావటం విశేషం. అయితే.. ఈ కార్రక్రమానికి హోస్ట్‌గా సింగర్ శ్రీరామ చంద్ర వ్యవహరించనుండగా.. ఇందులో 40 మంది కంటెస్టెంట్లు పార్టిసిపేట్ చేయనున్నారు. ఈ షోకు సంబంధించిన కర్టెన్ రైజర్ కార్యక్రమాన్ని హైదరాబాద్‌లోని రామానాయుడు స్టూడియోస్‌లో నిర్వహించారు. ఇందులో ఈ షోకు సంబంధించిన ప్రోమో రిలీజ్ చేశారు.
ఈ ప్రోమోలో ఓ అమ్మాయి ఇంట్లో బట్టలు సర్ధుకుంటుంటే.. ఓ అంకుల్ ఆమె ఇంటికి వస్తాడు. అంకుల్ రాగానే.. కాఫీ తీసుకురమ్మని ఇంట్లో ఉన్న పనిమనిషికి చెప్తుంది అమ్మాయి. అయితే.. కాఫీ కంటే ఇంపార్టెంట్ విషయం ఒకటుంది.. ముందు కూర్చో అంటూ.. తన కొడుకు గురించి చెప్పటం మొదలు పెడతాడు ఆ అంకుల్. నా కొడుకు ప్రశాంత్.. యూఎస్‌లో లక్షలు లక్షలు సంపాదిస్తున్నాడు.. నువ్వు ఊ.. అను వాన్ని పెళ్లికి ఒప్పిస్తా.. అంటాడు. దానికి ఆ అమ్మాయి.. లేదు అంకుల్.. ఇంకా టైం ఉంది.. బిజినెస్ గ్రో అవ్వాలి.. అంటూ బదులిస్తుంది. ఆమె చెప్పటం పూర్తి కాకముందే.. ఎందుకమ్మా నీకు ఈ బిజినెస్ గొడవలు.. చక్కగా పెళ్లి చేసుకుని.. ఇద్దరు పిల్లలను చూసుకుంటూ హాయిగా ఉండక.. అంటూనే.. జేబులో నుంచి ఫోన్ తీసి… తన కొడుకు ఫొటో చూపిస్తూ.. యూఎస్‌లో ఏరోబూట్ అనే రోబోటిక్ కంపెనీలో డెవలపర్‌గా పని చేస్తున్నాడంటూ గొప్పలు చెప్తాడు. ఇంతలోనే తాపీగా కాఫీ సిప్ చేస్తూ.. ఇంతకీ నువ్వేం పని చేస్తున్నావని అడుగుతాడు. ఏరోబూట్ అని ఓ చిన్న రోబోటిక్ కంపెనీ ఉందంకుల్.. అని ఆ అమ్మాయి చెప్పగానే కంగుతింటాడు ఆ అంకుల్. అంతలోనే.. అమ్మాయికి ఫోన్ రింగవటంతో.. ఇదిగో మీ కొడుకు ప్రశాంత్ కాల్ చేస్తున్నాడు.. యూఎస్‌లో షిఫ్ట్ టైం అయిపోయిందనుకుంటా.. స్టేటస్ అప్‌డేట్ కనుక్కుని వస్తా అంటూ వెళ్లిపోతుంది. అభిప్రాయాలు మార్చుకోండి సార్.. ఇక్కడ అద్భుతాలు జరుగుతున్నాయి.. ఆ అద్భుతాలకు వేదికే “నేను సూపర్ వుమెన్”.. అంటూ వాయిస్ ఓవర్‌తో ఈ రియాల్టి షో కాన్సెప్ట్‌ను ప్రోమోలో చూపించారు.
ఇదిలా ఉంటే.. నేను సూపర్ వుమెన్ షో.. మొదటి వారంలోనే ఏంజెల్స్ మహిళా స్టార్ట్ అప్ కంపెనీస్‌లో రూ.1.35 కోట్లు పెట్టుబడి పెట్టింది. కేవలం పెట్టుబడి మాత్రమే కాకుండా.. ఈ షో ద్వారా ప్రతీ మహిళా.. ఏంజెల్స్ మెంటార్ షిప్‌తో పాటు కార్పస్ ఫండ్ కూడా అందుకునే అవకాశం కల్పించింది. అంతేకాదు.. ఈ షోకు వచ్చే 40 మంది కంటెస్టెంట్స్ కూడా.. ఏంజెల్స్ దగ్గర నుంచి ఫండింగ్, వారి మెంటార్ షిప్‌తో పాటు కార్పస్ ఫండ్ పొందే విధంగా ఆహ ఈ షోని తీర్చిదిద్దింది. అంతేకాకుండా.. మహిళా సాధికార‌త విషయంలో ఆహా యాజమాన్యం ఎంత నిబద్ధతగా ఉందనే విష‌యాన్ని తెలియజేసేలా ఏంజెల్స్ కమిటీని ఏర్పాటు చేశారు. ఈ కమిటీలో విజయవంతమైన వ్యాపార‌వేత్తలున్నారు. వీళ్లంతా షోలో పాల్గొన్న కంటెస్టెంట్స్ ఐడియాలపై పెట్టుబడులతో పాటు.. వారికి మార్గనిర్దేశ‌ం కూడా చేస్తారు. ఈ కమిటీలో డార్విన్ బాక్స్ స‌హ వ్యవ‌స్థాప‌కుడు రోహిత్ చెన్నమ‌నేని, క్వాంటేలా కంపెనీ వ్యవ‌స్థాప‌కుడు, ఎగ్జిక్యూటివ్ ఛైర్మన్ శ్రీధ‌ర్ గాంధీ, సిల్వర్ నీడిల్ వెంచ‌ర్స్ రేణుక బొడ్ల, అభి బ‌స్ సీఈఓ, వ్యవ‌స్థాప‌కుడు సుధాక‌ర్ రెడ్డి, దొడ్ల డైరీ ఫౌండ‌ర్ దొడ్ల దీపా రెడ్డి, బజాజ్ ఎల‌క్ట్రానిక్ క‌ర‌ణ్ బజాజ్, నారాయ‌ణ గ్రూప్ సింధూర పొంగూరు ఉన్నారు.
