సినిమా అంటే రెండు లేదా మూడు గంటల సేపు ఉంటుంది. ఒకప్పుడు నాలుగు గంటల నిడివి ఉన్న సినిమాలు కూడా ఉండేవి. అయితే ప్రపంచంలో అత్యంత ఎక్కువ రన్ టైం ఉన్న సినిమా ఒకటి ఉంది. దాన్ని పూర్తి చేయాలంటే నిద్ర పోకుండా నెల రోజులు పాటు చూడాలి. ఏంటి ఆ సినిమా అని మీరు తెలుసుకోవాలంటే ఈ స్టోరీ మీద ఒక లుక్ వెయ్యండి.
స్వీడన్ ఫిలిం మేకర్స్ ఎరికా, డానియల్ తీసిన చిత్రమే ‘లాజిస్టిక్స్’. ఈ చిత్రం నిడివి 35 రోజులు 17 గంటలు. ఇది ప్రపంచంలోనే ఎక్కువ రన్ టైం ఉన్న సినిమాగా రికార్డు క్రియేట్ చేసింది. ఈ సినిమా స్వీడన్‌లోని స్టాక్ హోమ్స్‌లో మొదలవుతుంది. అక్కడ షాపులో ఉండే ఒకతను ‘మనకు ఈ గ్యాడ్జెట్లన్నీ ఎక్కడి నుంచి వస్తున్నాయి’? అని హీరోని అడుగుతాడు. అప్పుడు స్టోరీ మొదలవుతుంది. అడుగులు కొలిచే పేడో మీటర్ మీదకు కెమెరా వెళ్తుంది. అక్కడి నుంచి కథ వెనక్కి వస్తుంది. అది కొన్న షాపు అక్కడికి తీసుకు వచ్చిన కంటైనర్, షిప్.. ఇలా కథ చివరిగా చైనాలోని ఒక ఫ్యాక్టరీ వరకూ వెళ్తుంది. పెడోమీటర్ చైనాలో తయారై స్టాక్ హోమ్స్ వరకు రావడానికి ఎన్ని రోజులు పట్టిందో అన్ని రోజులు ఈ సినిమాను చిత్రీకరించారు. ఎక్స్‌పెరిమెంట్ ఫిలిం కింద గుర్తింపు వచ్చిన ఈ లాజిస్టిక్స్ సినిమాను 72నిమిషాలకు ఎడిట్ చేసి యూట్యూబ్‌లో ఉంచారు.
