ప్రతి ఒక్కరు ఎంతగానో ఎదురుచూస్తున్న బిగ్ బాస్ మళ్లీ అందరి ఇంట్లోకి వచ్చేస్తుంది. తెలుగు బుల్లితెర ప్రేక్షకులకు పూర్తి భావోద్వేగాలతో కూడిన వినోదం పంచడంలో బిగ్ బాస్ రియాలిటీ షో ముందుంటుంది. ఇప్పటివరకు ఆరు సీజన్లు పూర్తి చేసుకున్న బిగ్ బాస్ తెలుగు రియాలిటీ షో త్వరలోనే 7వ సీజన్ తో పలకరించనుంది. అసలు ఎప్పుడో బిగ్ బాస్ మొదలు కావాల్సి ఉండగా.. కొన్ని కారణాల వలన ఆలస్యమయింది. ఇక దీంతో అసలు ఈ ఏడాది బిగ్ బాస్ ఉంటుందా.. ? లేదా.. ? అని ప్రేక్షకులు అనుమానాలు వ్యక్తం చేసారు. ఇక తాజాగా ఆ అనుమానాలను పటాపంచలు చేస్తూ.. అభిమానులకు మేకర్స్ సడెన్ సర్ ప్రైజ్ ఇచ్చారు. చిన్న అప్డేట్ కూడా లేకుండా బిగ్ బాస్ ప్రోమోను రిలీజ్ చేశారు. రెడీగా ఉండండి.. ఎమోషన్ల ఎత్తుపల్లాల్లో మిమ్మల్ని ఉర్రూతలూగించడానికి బిగ్ బాస్ తెలుగు సీజన్-7 వచ్చేస్తోంది అని స్టార్ మా ఛానల్ పేర్కొంది. BB7 తెలుగు – వినోదం యొక్క పూర్తి ప్యాకేజీ.. BB7 తెలుగు మరిన్ని సర్ ప్రైజ్ లు, మరిన్ని థ్రిల్లింగ్ మూమెంట్స్.. సిల్లీ ఫైట్స్ నుంచి హృదయాలు బరువెక్కించే గాథల వరకు.. సంపూర్ణ వినోదం గ్యారెంటీ అని మేం మీకు హామీ ఇస్తున్నాం అంటూ స్టార్ మా తెలుపుతూ.. ఒక చిన్న గ్లింప్స్ ను రిలీజ్ చేసింది.
నిజం చెప్పాలంటే అభిమానులకు ఇది సడెన్ సర్ ప్రైజ్. దీంతో అభిమానులు షాక్ అవుతున్నారు. అయితే హోస్ట్ విషయంలో ఇంకా సందిగ్దత నెలకొందని తెలుస్తోంది. అక్కినేని నాగార్జున హోస్ట్‌గా చేయడం లేదని టాక్ నడుస్తోంది. ఒక స్టార్ హీరో.. ఈసారి BB7 కు హోస్ట్‌గా రానున్నాడట. అంతేకాదు.. ఈసారి అందరు స్టార్ సెలబ్రిటీలు హౌస్‌లో సందడి చేయనున్నారని తెలుస్తోంది. మరి కొన్నిరోజుల్లో వీరి పేరును అనౌన్స్ చేయనున్నారు. అయితే ఇంకోపక్క నాగ్‌ను హోస్ట్‌గా వద్దని అభిమానులు చెప్పుకొస్తున్నారు. ఆయన ఉంటే సీరియస్ నెస్ రావడం లేదని, కొత్త హీరోను హోస్ట్‌గా పెట్టమని అడుగుతున్నారు. మరి ఆ స్టార్ హీరో ఎవరో చూడాలంటే మరికొన్ని రోజులు ఆగాల్సిందే.
