డ్రాగన్ ఫ్రూట్‌ ఈ మధ్య బాగా ఫేమస్‌ అయ్యింది. డ్రాగన్ ఫ్రూట్‌ టేస్ట్‌, దీనిలోని పోషక విలువల కారణంగా చాలా మంది ఈ పండు తినడానికి ఇష్టపడుతున్నారు. చూడటానికి పింక్‌ కలర్‌ ఎట్రాక్టివ్‌గా ఉంటుంది. దీనిలోపల గుంజు.. తెల్ల రంగులో ఉంటుంది. దీని టేస్ట్‌ కొంచెం తాటి ముంజలులా ఉంటుంది. డ్రాగన్ ఫ్రూట్‌తో ఐస్‌ క్రీంలు, కేకులు, జెల్లీలు, సలాడ్స్‌ తయారు చేస్తారు. డ్రాగన్ ఫ్రూట్‌ను పిటాయా, స్ట్రాబెర్రీ పియర్ అని కూడా పిలుస్తారు. డ్రాగన్ ఫూట్‌ పోషకాల స్టోర్‌ హౌస్‌ అని చెప్పాలి. ఇందులో మీ శరీరానికి శక్తినిచ్చే ఫైబర్, ప్రొటీన్లు అధికంగా ఉన్నాయి. మెగ్నీషియం, కాల్షియం, ఐరన్‌, ఫాస్ఫరస్‌ వంటి మినరల్స్‌ మెండుగా ఉంటాయి. విటమిన్ సి అధికంగా ఉంటుంది. దీంతో పాటు బి1, బి2, బి3 విటమిన్లూ ఉంటాయి. తరచూ మన డైట్‌లో డ్రాగన్ ఫ్రూట్‌ చేర్చుకుంటే.. అనేక ఆరోగ్య సమస్యలు దూరమవుతాయని నిపుణులు చెబుతున్నారు.
డ్రాగన్ ఫ్రూట్‌లో యాంటీఆక్సిడెంట్ లక్షణాలు పుష్కలంగా ఉన్నాయి. వీటితో పాటు ఫ్లేవనాయిడ్స్, ఫినోలిక్ యాసిడ్, ఆస్కార్బిక్ యాసిడ్, ఫైబర్ మెండుగా ఉంటాయి. ఇవి రక్తంలో చక్కెర స్థాయిని నియంత్రించడంలో సహాయపడుతాయి. ఈ పండు ఇన్సులిన్‌ రెస్టిసెన్స్‌ను పెంచుతుంది. డయాబెటిస్‌ లేని వారు, డ్రాగన్ ఫ్రూట్‌ తింటే.. షుగర్ వచ్చే ప్రమాదం తగ్గుతుంది. మనం తరచుగా డ్రాగన్ ఫ్రూట్‌ తింటే.. గుండె ఆరోగ్యానికి మేలు జరుగుతుంది. డ్రాగన్ ఫ్రూట్‌ గుండెను సురక్షితంగా, ఆరోగ్యంగా ఉంచడానికి సహాయపడుతుంది. డ్రాగన్ ఫ్రూట్‌ విత్తనాలలో ఒమేగా -3, ఒమేగా -9 ఫ్యాటీ యాసిడ్స్‌ పుష్కలంగా ఉంటాయి. ఇవి మంచి కొలెస్ట్రాల్‌ను పెంచుతాయి. హెచ్‌డీఎల్‌ గుండె ఆరోగ్యానికి మంచిది. ఆక్సీకరణ ఒత్తిడి కారణంగా శారీరక, మానసిక ఆరోగ్యంపై ప్రభావం పడే అవకాశం ఉంది. దీని కారణంగా అల్జీమర్స్, పార్కిన్సన్స్, మూర్ఛ వంటి ఆరోగ్య సమస్యలు వచ్చే ప్రమాదం ఉంది. ఈ వ్యాధులు మెదడు పనితీరు సరిగ్గా లేకపోతే వస్తాయి. డ్రాగన్ ఫ్రూట్‌ తింటే మెదడు పనితీరు మెరుగుపడుతుంది.
నేషనల్ లైబ్రరీ ఆఫ్ మెడిసిన్‌లో ప్రచురించిన ఒక అధ్యయనం ప్రకారం, డ్రాగన్ ఫ్రూట్‌లో యాంటిట్యూమర్, యాంటీఆక్సిడెంట్, యాంటీ ఇన్ఫ్లమేటరీ లక్షణాలు ఉన్నాయి. ఇవి మహిళలను రొమ్ము క్యాన్సర్‌ నుంచి రక్షిస్తాయి. క్యాన్సర్‌ పేషెంట్స్‌ డ్రాగన్ ఫ్రూట్‌ తింటే, వారికి కొంత ఉపశమనం కలిగిస్తుంది. కొలెస్ట్రాల్ ట్రైగ్లిజరైడ్, చెడు కొలెస్ట్రాల్, లిపోప్రొటీన్ కొలెస్ట్రాల్ తగ్గుతాయి. ఇవి మన శరీరంలో ఎక్కువగా ఉంటే గుండె సమస్యలు వచ్చే ప్రమాదం ఉంది. ఒమేగా-3 ఫ్యాటీ యాసిడ్స్‌ దీని గింజల్లో పుష్కలంగా ఉంటాయి. ఇవి మంచి కొలెస్ట్రాల్‌ను పెంచుతాయి. డ్రాగన్ ఫ్రూట్‌లో ఉండే విటమిన్ సి, కెరోటినాయిడ్లు మీ రోగనిరోధక శక్తిని పెంచుతాయి. దీని వల్ల తెల్ల రక్తకణాలు దెబ్బతినకుండా ఉంటాయి. డ్రాగన్ ఫ్రూట్‌ తింటే.. ఇన్ఫెక్షన్లు రావు.
