గత నెల నుంచి దాయాది దేశం పాకిస్తాన్ లో కురుస్తున్న భారీ వర్షాలకు ప్రజలు తీవ్ర ఇబ్బందులు పడుతున్నారు. వరదలు కారణంగా కొండచరియలు విరిగిపడటంతో ఎనిమిది మంది చిన్నారులతో సహా 50మంది మరణించినట్లు అధికారులు తెలిపారు. జూన్ 25న రుతుపవనాలు ప్రారంభమైనప్పటి నుంచి పాకిస్తాన్ అంతటా వివిధ వర్షాలకు సంబంధించిన సంఘటనలలో యాభై మరణాలు నమోదయ్యాయి. ఈ కాలంలో 87 మంది గాయపడ్డారని జాతీయ విపత్తు నిర్వహణ అధికారి తెలిపారు.
ఈ మరణాలకు ప్రధానంగా తూర్పు పంజాబ్ ప్రావిన్స్ లో జరిగాయి. మరణాలు ఎక్కువగా విద్యుదాఘాతం, భవనం కూలిపోవడం వల్ల సంభవించినట్లు అధికారిక డేటా చూపించింది. వాయువ్య ఖైబర్ పఖ్తుంఖ్వా ప్రావిన్స్‌లో, షాంగ్లా జిల్లాలో గురువారం కొండచరియలు విరిగిపడటంతో ఎనిమిది మంది చిన్నారుల మృతదేహాలను వెలికితీసినట్లు అత్యవసర సేవా రెస్క్యూ 1122 ప్రతినిధి బిలాల్ అహ్మద్ ఫైజీ తెలిపారు. శిథిలాలలో చిక్కుకున్న ఇతర పిల్లల కోసం రక్షకులు ఇంకా వెతుకుతున్నారని ఆయన చెప్పారు. పాకిస్థాన్‌లోని రెండో అతిపెద్ద నగరమైన లాహోర్‌లో బుధవారం రికార్డు స్థాయిలో వర్షపాతం నమోదైందని, రోడ్లను నదులుగా మార్చిందని, ఈ వారంలో దాదాపు 35 శాతం నగరంలో విద్యుత్, నీరు లేకుండా పోయిందని అధికారులు తెలిపారు. రాబోయే రోజుల్లో దేశవ్యాప్తంగా భారీ వర్షాలు కురిసే అవకాశం ఉందని, పంజాబ్‌లోని ప్రధాన నదుల పరివాహక ప్రాంతాల్లో వరదలు వచ్చే అవకాశం ఉందని వాతావరణ శాఖ హెచ్చరించింది.
రాబోయే రోజుల్లో దేశవ్యాప్తంగా భారీ వర్షాలు కురిసే అవకాశం ఉందని, పంజాబ్‌లోని ప్రధాన నదుల పరివాహక ప్రాంతాల్లో వరదలు వచ్చే అవకాశం ఉందని వాతావరణ శాఖ హెచ్చరించింది. జలమార్గాల వెంబడి నివసిస్తున్న ప్రజలను పునరావాసం కల్పించేందుకు కృషి చేస్తున్నట్లు ప్రావిన్స్ విపత్తు నిర్వహణ అథారిటీ శుక్రవారం తెలిపింది. వాతావరణ మార్పు వల్ల కాలానుగుణంగా వర్షాలు కురుస్తున్నాయని, అనూహ్యంగా కురుస్తున్నాయని శాస్త్రవేత్తలు తెలిపారు.గత వేసవిలో, అపూర్వమైన రుతుపవనాల వర్షాల కారణంగా పాకిస్తాన్‌లో మూడవ వంతు నీటిలో మునిగిపోయింది. రెండు మిలియన్ల గృహాలు దెబ్బతిన్నాయి. 1,700 మందికి పైగా మరణించారు. గత నెల ప్రారంభంలో దేశంలోని వాయువ్య ప్రాంతంలో తుఫానులు ఎనిమిది మంది పిల్లలతో సహా కనీసం 27 మందిని చనిపోయారు.
