తెలంగాణ అసెంబ్లీ ఎన్నికలకు నామినేషన్ల గడువు నేటితో ముగియనుంది. నామినేషన్లు దాఖలు చేసేందుకు మధ్యాహ్నం 3 గంటల వరకు ఈసీ గడువు విధించింది. 13న నామినేషన్ల పరిశీలన ఉండ నుండగా..15వ తేదీన నామినేషన్ల ఉపసంహరణకు చివరి గడువు. ఈ నెల 30న పోలింగ్ జరగనుండగా… డిసెంబర్ 3న ఓట్లను లెక్కించనున్నారు. కాగా నిన్నటి వరకు 1,133 నామినేషన్లు దాఖలు అయ్యాయి. ఇవాళే చివరిరోజు కావడంతో అభ్యర్థులు భారీగా నామినేషన్లు దాఖలు చేసే అవకాశం ఉంది.
తెలంగాణ అసెంబ్లీ ఎన్నికలకు నిన్న పెద్ద ఎత్తున నామినేషన్లు దాఖలయ్యాయి. ఏకాదశి కావడంతో సీఎం కేసీఆర్, మంత్రులు కేటీఆర్, హరీష్‌రావు, సీఎల్పీ నేత భట్టి విక్రమార్క, ఎంపీ ఉత్తమ్కుమార్‌రెడ్డి, మాజీ ఎంపీ వివేక్వెంకటస్వామితో పాటు వివిధ పార్టీల అభ్యర్థులు నామినేషన్లు వేశారు.
అసెంబ్లీ ఎన్నికలకు నామినేషన్ల గడువు ఇవాళ ముగియనుంది. ఈ నెల3 నుంచి నామినేషన్ల స్వీకరణ మొదలుకాగా 119 నియోజకవర్గాల్లో నిన్న ఒక్కరోజే 1,133 నామినేషన్లు దాఖలయ్యాయి. ఈ నెల 13న నామినేషన్ల స్ర్కూటినీ, 15 లోపు నామినేషన్ల విత్డ్రాకు అవకాశం ఉంటుది. 15న పోటీలో ఉండే అభ్యర్థుల జాబితాను ఈసీ ప్రకటిస్తుంది.
గజ్వేల్ నియోజకవర్గం నుంచి బీఆర్ఎస్ ఎమ్మెల్యే అభ్యర్థిగా సీఎం కేసీఆర్ నామినేషన్ వేశారు. ఆర్డీవో ఆఫీసులో రిటర్నింగ్ ఆఫీసర్‌కు రెండు సెట్ల నామినేషన్ పత్రాలు సమర్పించారు. ఆపై కామారెడ్డి ఆర్డీవో ఆఫీసుకు చేరుకుని ఎన్నికల రిటర్నింగ్ అధికారి కార్యాలయంలో సీఎం కేసీఆర్ నామినేషన్ వేశారు.
సిద్దిపేటలో మంత్రి హరీశ్రావు, సిరిసిల్లలో మంత్రి కేటీఆర్, జీహెచ్ఎంసీ ఆఫీసులో సనత్‌‌నగర్‌ బీఆర్ఎస్ అభ్యర్థి, మంత్రి తలసాని నామినేషన్ దాఖలు చేశారు. ఖమ్మం జిల్లా మధిరలో సీఎల్పీ నేత భట్టి విక్రమార్క నామినేషన్ వేశారు. చెన్నూరులో అక్కడి కాంగ్రెస్ అభ్యర్థి వివేక్ వెంకటస్వామి నామినేషన్ దాఖలు చేశారు. సూర్యాపేట జిల్లా కోదాడలో కాంగ్రెస్ అభ్యర్థి పద్మావతిరెడ్డి, హుజూర్‌నగర్ రిటర్నింగ్ ఆఫీస్‌లో ఉత్తమ్ కుమార్‌రెడ్డి నామినేషన్ వేశారు.
ఇటీవల ఎన్నికల ప్రచారంలో కత్తిపోటుకు గురై, ఆస్పత్రిలో చికిత్స పొందుతున్న బీఆర్ఎస్ అభ్యర్థి, ఎంపీ కొత్త ప్రభాకర్‌ రెడ్డి దుబ్బాకలో నామినేషన్ వేశారు. హైదరాబాద్‌ యశోదా ఆస్పత్రి నుంచి అంబులెన్స్‌‌లో దుబ్బాకకు వచ్చిన ఆయన… వీల్‌‌చైర్‌‌పై వచ్చి నామినేషన్ సమర్పించారు.
